ఇక పింక్ బాల్ టెస్టుల సమరం..

షెడ్యూల్ విడుదల..
డిసెంబర్ 6 నుంచి ఆడిలైట్ లో పింక్ బాల్ టెస్ట్..
నాయకత్వం వహించనున్న రోహిత్ శర్మ..

భారత్ – ఆస్ట్రేలియా మధ్య జరిగిన బోర్డర్-గవాస్కర్ టెస్టు సిరీస్‌లో భాగంగా తొలి మ్యాచ్‌లో టీమిండియా విజయం సాధించింది. పెర్త్‌లోని ఆప్టస్ స్టేడియం వేదికగా జరిగిన ఈ మ్యాచ్‌లో భారత జట్టు 295 పరుగుల తేడాతో ఆసీస్‌ను ఓడించి శుభారంభం చేసింది. ఇప్పుడు రెండో టెస్టు మ్యాచ్‌కి ఇరు జట్లు సిద్ధమవుతున్నాయి. బోర్డర్-గవాస్కర్ సిరీస్‌లో రెండో టెస్టు మ్యాచ్ డిసెంబర్ 6 నుంచి ప్రారంభం కానుంది. అడిలైడ్ వేదికగా జరగనున్న ఈ మ్యాచ్ పింక్ బాల్ టెస్ట్. అంటే, ఈ టెస్ట్ మ్యాచ్ డే/నైట్ జరగనుంది. అందుకే ఈ మ్యాచ్‌లో రెడ్ బాల్‌కు బదులు పింక్ బాల్‌ను వినియోగిస్తున్నారు.

దీని ప్రకారం డిసెంబర్ 6 నుంచి అడిలైడ్‌లోని ఓవల్ మైదానంలో పింక్ బాల్ టెస్టు మ్యాచ్ జరగనుండగా, ఈ మ్యాచ్‌లో టీమిండియాకు రోహిత్ శర్మ నాయకత్వం వహించనున్నాడు. పెర్త్‌లో జరిగిన తొలి టెస్టుకు హిట్‌మ్యాన్ అందుబాటులో లేడు. వ్యక్తిగత కారణాలతో రోహిత్ శర్మ తొలి టెస్టుకు దూరమయ్యాడు. జస్ప్రీత్ బుమ్రా తన గైర్హాజరీలో టీమ్ ఇండియాను విజయవంతంగా నడిపించాడు.

ఇప్పుడు రోహిత్ శర్మ జట్టులోకి రావడంతో కెప్టెన్ స్థానంతో ప్లేయింగ్ ఎలెవన్‌లో కనిపించనున్నాడు. హిట్ మ్యాన్ రాకతో తొలి మ్యాచ్ ఆడిన దేవదత్ పడిక్కల్ ఔట్ తప్పుకోనున్నాడు.

భారత టెస్టు జట్టు: రోహిత్ శర్మ (కెప్టెన్), జస్ప్రీత్ బుమ్రా (వైస్ కెప్టెన్), యస్సవి జైస్వాల్, అభిమన్యు ఈశ్వరన్, శుభ్‌మన్ గిల్, విరాట్ కోహ్లీ, కేఎల్ రాహుల్, రిషబ్ పంత్ (వికెట్ కీపర్), సర్ఫరాజ్ ఖాన్, ధ్రువ్ జురెల్ (వికెట్ కీపర్), రవిచంద్రన్ అశ్విన్, రవీంద్ర జడేజా, మహ్మద్ సిరాజ్ , ఆకాష్ దీప్, పర్దీష్ కృష్ణ, హర్షిత్ రాణా, నితీష్ కుమార్ రెడ్డి, వాషింగ్టన్ సుందర్, దేవదత్ పడిక్కల్.

ఆస్ట్రేలియా టెస్ట్ జట్టు: పాట్ కమిన్స్ (కెప్టెన్), ట్రావిస్ హెడ్, ఉస్మాన్ ఖవాజా, నాథన్ మెక్‌స్వీనీ, స్టీవ్ స్మిత్, మార్నస్ లాబుస్‌చాగ్నే, మిచెల్ మార్ష్, అలెక్స్ కారీ, జోష్ ఇంగ్లిస్, మిచెల్ స్టార్క్, జోష్ హేజిల్‌వుడ్, నాథన్ లియాన్, స్కాట్ బోలాండ్.

భారత్-ఆస్ట్రేలియా మధ్య మిగిలిన టెస్ట్ మ్యాచ్‌ల షెడ్యూల్ :

భారత్ vs ఆస్ట్రేలియా, 2వ టెస్టు: డిసెంబర్ 6-10, అడిలైడ్ (ఉదయం 9:30 )

భారత్ vs ఆస్ట్రేలియా, 3వ టెస్ట్: డిసెంబర్ 14-18, బ్రిస్బేన్ (ఉదయం 5:50 )

భారత్ vs ఆస్ట్రేలియా, 4వ టెస్ట్: డిసెంబర్ 26-30, మెల్బోర్న్ (ఉదయం 5:00 )

భారత్ vs ఆస్ట్రేలియా, 5వ టెస్ట్: జనవరి 2-7, సిడ్నీ (ఉదయం 5:00 )