- ముఖ్య అతిథిగా విచ్చేసిన మాజీ ఎంపీ మధుయాష్కి గౌడ్
- వైభవంగా కొనసాగిన నూతన వస్త్రాలయ ప్రారంభోత్సవ వేడుకలు
వనస్థలిపురం:
రంగారెడ్డి జిల్లా వనస్థలిపురం పనామా గోడౌన్స్ ప్రాంతంలో ఏర్పాటు చేసిన నూతన సీఎంఆర్ షాపింగ్ మాల్ ప్రారంభోత్సవ వేడుక గురువారం అత్యంత వైభవంగా జరిగింది. ఈ కార్యక్రమానికి ఆల్ ఇండియా ప్రొఫెషనల్స్ కాంగ్రెస్ జాతీయ చైర్మన్, పార్లమెంటు మాజీ సభ్యులు మధుయాష్కి గౌడ్ ముఖ్య అతిథిగా విచ్చేశారు.
ఈ ప్రారంభోత్సవ వేడుకకు నగరంలోని వివిధ ప్రాంతాల నుండి ప్రజలు, ప్రముఖులు భారీ సంఖ్యలో తరలివచ్చారు. మధుయాష్కి గౌడ్ రిబ్బన్ కత్తిరించి నూతన వస్త్రాలయాన్ని అధికారికంగా ప్రారంభించారు. అనంతరం దుకాణ సముదాయంలోని వివిధ విభాగాలను పరిశీలించి, వినియోగదారులకు అందుబాటులో ఉండే వస్త్ర శ్రేణిని తిలకించారు.
ఈ కార్యక్రమంలో యాదగిరిగుట్ట దివ్యక్షేత్ర దేవస్థానం ధర్మకర్తల మండలి సభ్యురాలు పోచబోయిన ఈశ్వరమ్మ యాదవ్ విశిష్ట అతిథిగా పాలుపంచుకున్నారు. వీరితో పాటు మార్కెట్ కమిటీ సంచాలకులు, ప్రాంతీయ అధ్యక్షులు, పలువురు ప్రముఖ రాజకీయ, సామాజిక నాయకులు ఈ కార్యక్రమంలో పాల్గొని నూతన వ్యాపార సముదాయ నిర్వాహకులకు శుభాకాంక్షలు తెలిపారు.
నూతన వస్త్రాలయ ప్రారంభం సందర్భంగా వనస్థలిపురం ప్రాంతం సందడి వాతావరణాన్ని సంతరించుకుంది. స్థానిక ప్రజలకు అత్యుత్తమ నాణ్యత గల వస్త్రాలు ఒకే చోట లభించేలా ఈ షాపింగ్ మాల్‌ను ఏర్పాటు చేయడం అభినందనీయమని నాయకులు పేర్కొన్నారు.
