హైడ్రా :ప్రజల ముంగిట్లోకి అధికారిక వెబ్‌సైట్ ప్రారంభం.

ఒకే వేదికపై సమగ్ర పౌర సేవలు.. నిరంకుశ అన్వేషణలకు చెక్‌

హైదరాబాద్‌:

నగర ప్రజల ప్రాణాలు, ఆస్తుల రక్షణే ధ్యేయంగా ఏర్పడిన హైదరాబాద్‌ డిజాస్టర్‌ రెస్పాన్స్‌ అండ్‌ అసెట్‌ ప్రొటెక్షన్‌ ఏజెన్సీ (హైడ్రా) తన కార్యకలాపాలను మరింత విస్తృతం చేసింది. ఇందులో భాగంగా రూపొందించిన అధికారిక వెబ్‌సైట్‌ను (hydraa.telangana.gov.in/) హైడ్రా కమిషనర్ శ్రీ ఏవీ రంగనాథ్ శుక్రవారం లాంఛనంగా ప్రారంభించారు. ఇకపై ప్రభుత్వ భూములు, చెరువుల ఆక్రమణలు, విపత్తు నిర్వహణ సమాచారం మొత్తం ఒకే వేదికపైకి రానుంది.

*అత్యవసర సహాయానికి ‘1070’ నంబరు కేటాయింపు
ప్రజలు ఏ క్షణంలోనైనా ఆపదలో చిక్కుకుంటే సత్వరం స్పందించేలా 24 గంటలూ పనిచేసే హెల్ప్‌లైన్ నంబరు ‘1070’ను పోర్టల్‌లో ప్రముఖంగా పొందుపరిచారు. చెట్లు కూలడం, అగ్నిప్రమాదాలు, భారీ వర్షాలకు రోడ్లపై నీరు నిలవడం, వరద ముప్పు వంటి అత్యవసర పరిస్థితుల్లో బాధితులు ఈ నంబర్‌ను సంప్రదించి తక్షణ సహాయం పొందవచ్చు.

*ఫైర్‌ ఎన్‌వోసీల కోసం ఆన్‌లైన్ దరఖాస్తులు
భవన నిర్మాణ దారులు, యజమానులు ఫైర్‌ సేఫ్టీ ఎన్‌వోసీల కోసం ఇకపై కార్యట్రూట్ల చుట్టూ తిరగాల్సిన పనిలేదు. హైడ్రా పోర్టల్‌ ద్వారానే నేరుగా దరఖాస్తు చేసుకునే సదుపాయం కల్పించారు. అంతేకాకుండా, దరఖాస్తు ఏ దశలో ఉందనే విషయాన్ని ఆన్‌లైన్‌లోనే ఎప్పటికప్పుడు పర్యవేక్షించే వీలు కల్పించారు.
ముంపు ప్రాంతాల ముందస్తు పట్టిక
భారీ వర్షాలు, వరదల సమయంలో జలమయమయ్యే ప్రమాదకర ప్రాంతాల ముందస్తు జాబితాను సిద్ధం చేశారు. జీహెచ్‌ఎంసీ, సీఎంసీ, ఎంఎంసీ కమిషనరేట్ల పరిధిలోని వాటర్‌లాగింగ్‌ ప్రాంతాల మ్యాప్‌లను ప్రత్యేకంగా అందుబాటులో ఉంచడం ద్వారా అధికారులు, ప్రజలు అప్రమత్తమయ్యే అవకాశం ఏర్పడింది.

*లైవ్‌లో వాతావరణం.. వర్షపాత సమాచారం
నగరంలో ఎక్కడ ఎంత వర్షం కురుస్తోందనే సమాజాన్ని తెలుసుకునేందుకు లైవ్‌ రెయిన్‌ఫాల్‌ మ్యాప్స్‌, వాతావరణ అంచనాలు, హైదరాబాద్‌ డాప్లర్‌ రాడార్‌ అప్‌డేట్లను పోర్టల్‌లో జోడించారు. వర్షాకాలంలో తలెత్తే విపత్కర పరిస్థితులను ఎదుర్కొనేందుకు ఈ సాంకేతికత పకడ్బందీగా ఉపయోగపడనుంది.

*ఎఫ్‌టీఎల్‌, బఫర్‌ జోన్ల చెరపని ప్రణాళిక
చెరువుల పూర్తి స్థాయి నీటి మట్టం (ఎఫ్‌టీఎల్‌), బఫర్‌ జోన్ల వివరాలను హెచ్‌ఎండీఏ లేక్స్‌ పోర్టల్‌ ద్వారా నేరుగా తెలుసుకోవచ్చు. చెరువుల శివారులో ఎలాంటి అక్రమ నిర్మాణాలు జరగకుండా, నిబంధనలను కఠినంగా అమలు చేసేందుకు ఈ స్పష్టమైన డాటా ఆధారపడనుంది.

*‘భూ భారతి’తో భూముల స్థితిగతుల పరిశీలన
భూముల క్రయవిక్రయాల్లో మోసాలను అరికట్టేందుకు తెలంగాణ ప్రభుత్వ ‘భూ భారతి’ పోర్టల్‌కు హైడ్రా వెబ్‌సైట్‌లో డైరెక్ట్ లింక్‌ను ఏర్పాటు చేశారు. సర్వే నంబర్లు, పట్టాదారుల వివరాల ఆధారంగా భూముల నిజాయితీని ప్రజలే స్వయంగా బేరీజు వేసుకోవచ్చు.

*చెరువుల పునరుద్ధరణే లక్ష్యంగా ప్రత్యేక వార్తలు
కబ్జాదారుల చెరనుంచి విడిపించిన చెరువుల పునరుద్ధరణ ప్రగతిని ఎప్పటికప్పుడు ప్రజల ముందుంచేందుకు ‘న్యూస్‌’, ‘ఫ్లాష్‌ న్యూస్‌’ విభాగాలను కేటాయించారు. క్షేత్రస్థాయిలో హైడ్రా చేస్తున్న సాహసోపేతమైన చర్యలను ఫొటోలు, వీడియోల రూపంలో ప్రజలు నిరంతరం వీక్షించవచ్చు.