Thursday, November 19, 2026
Google search engine
Homeతెలంగాణజెల్లుగూడ బడిలో పిల్లలకు అండగా కోల శ్రీనివాస్...

జెల్లుగూడ బడిలో పిల్లలకు అండగా కోల శ్రీనివాస్…

ప్రభుత్వ పాఠశాలలో విద్యార్థులకు ఘన సన్మానం

మహేశ్వరం:

చదువుల తల్లీకి మొక్కి బతుకు బాటలు వెతుక్కునే బడుగు జీవుల పిల్లలకు అండగా నిలవాలనే ఉద్దేశంతో మహేశ్వరం మండలం జెల్లుగూడ ప్రభుత్వ పాఠశాలలో చిన్నారులకు అభినందనల వెల్లువ కురిసింది. తెలంగాణ రక్షణ సేన మహేశ్వరం నియోజకవర్గ ఇంచార్జ్ కోల శ్రీనివాస్ చొరవతో, శ్రీరామ్ గ్రూప్ వారి అండదండలతో బడి ఈడు పిల్లల ముఖాల్లో చిరునవ్వులు పూయించారు. గత ఏడాడి పదో తరగతిలో సత్తా చాటిన ప్రతిభావంతులకు ఆర్థిక సాయం చెక్కులను అందజేసి అభినందించారు.

ఈ నేల మీద పుట్టిన ప్రతి బిడ్డకు అక్షర సాయం అందాలనే తపనతో ఈ కార్యక్రమం రూపుదిద్దుకుంది. రాబోయే పదో తరగతి పరీక్షలకు సన్నద్ధమవుతున్న పిల్లలతో ముచ్చటించి, గుండెల్లో ధైర్యం నింపారు. పెద్ద కలలు కనాలని, కష్టపడి చదివి ఊరి పేరు నిలబెట్టాలని కోరారు. మహేశ్వరం నియోజకవర్గ వ్యాప్తంగా ఉన్న తెలివైన పిల్లలకు అండగా నిలిచేందుకు ఏకంగా రెండు కోట్ల రూపాయల ప్రైజ్ మనీ అందించడమే లక్ష్యంగా పెట్టుకున్నామని కోల శ్రీనివాస్ స్పష్టం చేశారు. పోటీ తత్వాన్ని పెంచి, పిల్లల్లో చదువుపై ఆసక్తిని రగిలించడమే తమ ధ్యేయమని తేల్చిచెప్పారు.

ఈ మంచి కార్యానికి ఊరి పెద్దలు, నాయకులు చేయూతనిచ్చారు. శ్రీరామ్ గ్రూప్ ప్రాంతీయ మేనేజర్ సోమ శ్రీధర్, యువత అధ్యక్షుడు కంచర్ల శివారెడ్డి, మేనేజర్ శ్రీనివాస్, జిల్లా అధ్యక్షుడు పురం మహేందర్ రెడ్డి, డాక్టర్ ఎం. స్వప్న, నాయకులు సుచరిత రెడ్డి, వినోద్, జాలా శివ యాదవ్, నర్సింలు తదితరులు కలిసికట్టుగా ఈ కార్యక్రమాన్ని విజయవంతం చేశారు.
బడి ప్రధానోపాధ్యాయులు, ఉపాధ్యాయులు ఈ వేడుకను చూసి మురిసిపోయారు. గ్రామీణ ప్రాంతాల్లో చదువుకునే పేద పిల్లలను గుర్తించి చేయి పట్టుకోవడం మాటల్లో చెప్పలేని అదృష్టమని కొనియాడారు. ఇలాంటి భరోసాలే పిల్లల్లో ఆత్మవిశ్వాసాన్ని పెంచి, ఉన్నత శిఖరాలను అధిరోహించేలా చేస్తాయని మనస్ఫూర్తిగా అభినందించారు.
గ్రామీణ ప్రాంతాల్లో విద్యా రంగం బలపడాలన్నా, పిల్లల కళ్లలో ఆనందం చూడాలన్నా ఇలాంటి ప్రోత్సాహకాలు ఎంతో అవసరమని నిర్వాహకులు తేల్చిచెప్పారు.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments