Wednesday, November 18, 2026
Google search engine
Homeతెలంగాణతప్పిపోయిన బాలుడిని రెండు గంటల్లోనే గుర్తించిన సరూర్‌నగర్ పోలీసులు

తప్పిపోయిన బాలుడిని రెండు గంటల్లోనే గుర్తించిన సరూర్‌నగర్ పోలీసులు

ఎల్బీనగర్:

సరూర్‌నగర్ పోలీస్ స్టేషన్ పరిధిలో కనిపించకుండా పోయిన ఐదు సంవత్సరాల బాలుడిని పోలీసులు కేవలం రెండు గంటల్లోనే గుర్తించి, క్షేమంగా కుటుంబ సభ్యులకు అప్పగించారు. పోలీసులు తెలిపిన వివరాల ప్రకారం… సరూర్‌నగర్‌లోని ప్రియదర్శిని పార్క్ సమీపంలో నివసించే బుక్యా శైలజ (భర్త: సంతోష్, వయస్సు: 25 సంవత్సరాలు) తన ఐదు సంవత్సరాల కజిన్ బాలుడు బుక్యా అమృత్‌ను, అతని తల్లిదండ్రులతో కలిసి వారి స్వగ్రామమైన మహబూబాబాద్ జిల్లా, మరిపెడ బంగ్లా నుండి హైదరాబాద్‌కు తీసుకువచ్చారు.ఈ క్రమంలో సరూర్‌నగర్‌లోని ప్రియదర్శిని పార్క్ సమీపంలో దిగిన అనంతరం బాలుడు సమీపంలోని కిరాణా దుకాణం వద్దకు వెళ్లి కనిపించకుండా పోయాడు. వెంటనే సమాచారం అందుకున్న సరూర్‌నగర్ పోలీసులు అప్రమత్తమై బాలుడి ఆచూకీ కోసం గాలింపు చర్యలు చేపట్టారు.పోలీసుల సమన్వయంతో కూడిన తక్షణ చర్యల ఫలితంగా, కేవలం రెండు గంటల్లోనే సరూర్‌నగర్‌లోని వెంకటేశ్వర కాలనీ, రోడ్ నంబర్ 1 వద్ద బాలుడిని క్షేమంగా గుర్తించారు. అనంతరం బాలుడిని కుటుంబసభ్యులకు సురక్షితంగా అప్పగించారు. పోలీసుల వేగవంతమైన స్పందన, సమర్థవంతమైన చర్యల పట్ల బాలుడి కుటుంబసభ్యులు కృతజ్ఞతలు తెలిపారు.ఈ సందర్భంగా సరూర్‌నగర్ పోలీసులు ప్రజలకు విజ్ఞప్తి చేస్తున్నది ఏమనగా, చిన్నపిల్లలను రద్దీగా ఉండే ప్రదేశాలు మరియు అపరిచిత ప్రాంతాలకు తీసుకువెళ్లినప్పుడు తల్లిదండ్రులు లేదా బాధ్యత గల పెద్దలు ఎల్లప్పుడూ వారితో పాటు ఉండాలి. పిల్లల భద్రత పట్ల ప్రతి ఒక్కరూ అప్రమత్తంగా ఉండాలని సీఐ శ్రీశైలం తెలిపారు.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments