- *ప్రజా సంక్షేమమే ధ్యేయంగా తెలంగాణ ప్రభుత్వం అడుగులు..
- *అర్హులైన లబ్ధిదారులకు కొత్త పింఛన్ల పంపిణీకి రంగం సిద్ధం!
బడంగ్పేట్:
సమాజంలో అట్టడుగున బతుకీడుస్తున్న అభాగ్యులకు ఆర్థిక భరోసా కల్పించడమే లక్ష్యంగా తెలంగాణ ప్రభుత్వం అమలు చేస్తున్న ప్రతిష్టాత్మక ‘చేయూత’ పథకం కింద నూతన పింఛన్ల దరఖాస్తుల ప్రక్రియ అధికారికంగా ప్రారంభమైంది. బడంగ్పేట్ సర్కిల్-16 పరిధిలో అర్హులైన నిరుపేదల నుంచి దరఖాస్తులను స్వీకరించేందుకు అధికార యంత్రాంగం పకడ్బందీ ఏర్పాట్లు చేసింది.
సామాజిక భద్రతను కాపాడుతూ, పేదరిక నిర్మూలన దిశగా సర్కారు చేపట్టిన ఈ బృహత్తర కార్యక్రమంలో అర్హులందరూ భాగస్వాములు కావాలని అధికారులు పిలుపునిచ్చారు.
*దరఖాస్తుల స్వీకరణ కేంద్రాలు:
బడంగ్పేట్ సర్కిల్-16 పరిధిలోని దరఖాస్తుదారులు తమకు సౌకర్యవంతంగా ఉండే ఏ కేంద్రంలోనైనా నేరుగా దరఖాస్తులను సమర్పించవచ్చు.
- బడంగ్పేట్ సర్కిల్ కార్యాలయం
- అల్మాస్గూడ వార్డు కార్యాలయం
- బాలాపూర్ వార్డు కార్యాలయం
- కమ్యూనిటీ హాల్, రోడ్ నెం. 9, ప్రశాంత్ హిల్స్ ఫేజ్-2
- మీర్పేట్ వార్డు కార్యాలయం
- జిల్లెలగూడ వార్డు కార్యాలయం
ఇవే కాకుండా, ప్రజా సౌలభ్యం కోసం సమీపంలోని మీ సేవా కేంద్రాల ద్వారా కూడా ఆన్లైన్లో దరఖాస్తు చేసుకునే సదుపాయాన్ని ప్రభుత్వం కల్పించింది.
*ఈ క్రింది కేటగిరీల వారు మాత్రమే అవకాశం:
- వితంతువులు
- ఒంటరి మహిళలు
- దివ్యాంగులు
- గీత కార్మికులు
- చేనేత కార్మికులు
- ఫైలేరియా బాధితులు
- డీఏజీఎస్ / డయాలసిస్ రోగులు
*కావలసిన తప్పనిసరి ధృవపత్రాలు
దరఖాస్తుదారులు మోసపూరిత విధానాలకు తావులేకుండా ఈ క్రింది పత్రాలను సమర్పించవలసి ఉంటుంది:
- పూర్తిగా నింపిన దరఖాస్తు ఫారం
- ఆధార్ కార్డు నకలు
- వయసు ధృవీకరణ పత్రం (పుట్టిన తేదీ ధృవీకరణ పత్రం, పాఠశాల సర్టిఫికెట్ లేదా ఓటరు గుర్తింపు కార్డు)
- సమర్థ అధికారులు జారీ చేసిన ఆదాయ ధృవపత్రం
- జాతీయ బ్యాంకు ఖాతా పుస్తకం (పాస్బుక్) మొదటి పుట నకలు
*ప్రత్యేక కేటగిరీలకు అదనపు పత్రాలు:
- వితంతువులు: భర్త మరణ ధృవపత్రం.
- ఒంటరి మహిళలు: విడాకుల పత్రం లేదా తహశీల్దార్ జారీ చేసిన స్థానిక విచారణ నివేదిక.
- దివ్యాంగులు: ప్రత్యేక గుర్తింపు కార్డు (UDID / SADAREM సర్టిఫికెట్).
- చేనేత కార్మికులు: చేనేత మరియు జౌళి శాఖ జారీ చేసిన అధికారిక ధృవపత్రం.
- గీత కార్మికులు: ఎక్సైజ్ శాఖ పరిధిలోని సహకార సంఘంలో నమోదైన సభ్యత్వ ధృవీకరణ పత్రం.
- ఫైలేరియా బాధితులు: జిల్లా వైద్య మరియు ఆరోగ్య శాఖ (DM & HO) ద్వారా నమోదు మరియు ధృవీకరణ పత్రం.
- డయాలసిస్ రోగులు: ఆరోగ్యశ్రీ ఆరోగ్య సంరక్షణ ట్రస్ట్ ద్వారా పొందిన నమోదు మరియు ధృవీకరణ పత్రం.
*చివరి తేదీ గడువు
నూతన పింఛన్ల దరఖాస్తుల సమర్పణకు 31-08-2026 చివరి తేదీగా నిర్ణయించడమైనది. అర్హత కలిగిన లబ్ధిదారులు ఈ సువర్ణ అవకాశాన్ని సద్వినియోగం చేసుకుని, గడువు తేదీలోపు తమ దరఖాస్తులను విధిగా సమర్పించాలని బడంగ్పేట్ సర్కిల్-16 డిప్యూటీ కమిషనర్ హెచ్చరికతో కూడిన విజ్ఞప్తిని జేశారు.
