కొండాపూర్ 8వ పోలీస్ బేటాలియన్ కామండెంట్ డి. శివప్రసాద్ రెడ్డి.
శేరిలింగంపల్లి:
కొండాపూర్ 8వ పోలీస్ బెటాలియన్ టి జి ఎస్ p, కొండాపూర్ లో ఎస్ డి ఆర్ ఎఫ్ ఆధ్వర్యంలో మెదక్, నర్సాపూర్ , సిద్ధిపేట, సంగారెడ్డి జిల్లాలకు చెందిన 68 మంది కళాశాల విద్యార్థులకు వారం రోజుల “యువ ఆపదమిత్ర” శిక్షణ కార్యక్రమాన్ని బెటాలియన్ కమాండెంట్ డి. శివప్రసాద్ రెడ్డి జ్యోతి ప్రజ్వలన చేసి ప్రారంభించారు.
ఈ సందర్భంగా ఆయన మాట్లాడుతూ, వరదలు, అగ్నిప్రమాదాలు, భవనాలు కూలడం, రోడ్డు ప్రమాదాల సమయంలో ప్రథమ చికిత్స, శోధన-రక్షణ, రెస్క్యూ పరికరాల వినియోగంపై ఎస్ డి ఆర్ ఎఫ్, సిబ్బంది ప్రాయోగిక శిక్షణ ఇవ్వనున్నారని తెలిపారు.
యువతలో సేవాభావం, క్రమశిక్షణ పెంపొందించడమే ఈ పథకం ఉద్దేశమని, విపత్తుల్లో శిక్షణ పొందిన యువత పోలీస్, SDRF బృందాలకు ఆపద్భాంధవులుగా నిలుస్తారని తెలిపారు. శిక్షణలో పాల్గొన్న విద్యార్థులకు రక్షణ కిట్లు అందజేశారు.
ఈ కార్యక్రమంలో అడిషనల్ కమాండెంట్ ఎం. జయరాజు, SDRF వింగ్ అసిస్టెంట్ కమాండెంట్ డి. సత్యనారాయణ, ఆర్.ఐలు మరియు సిబ్బంది పాల్గొన్నారు.
