పెద్దవి, సంక్లిష్టమైన ఫైబ్రాయిడ్స్ ఉన్న మహిళలకు గర్భాశయాన్ని కాపాడే ఆధునిక శస్త్రచికిత్స విధానాలపై మెడికవర్ ఉమెన్ & చైల్డ్ హాస్పిటల్స్ అవగాహన…
శేరిలింగంపల్లి నవంబర్ 20భారత శక్తి : మహిళల్లో సంతానోత్పత్తి వయస్సులో సాధారణంగా కనిపించే గైనకాలజీ సమస్యల్లో గర్భాశయ ఫైబ్రాయిడ్స్ ఒకటని మెడికవర్ హాస్పిటల్ డాక్టర్ వరలక్ష్మి అన్నారు. గర్భశాయ ఫైబ్రయిడ్స్ ఇవి సాధారణంగా క్యాన్సర్ కాని గడ్డలే అయినప్పటికీ, వాటి పరిమాణం, సంఖ్య, ఉన్న ప్రదేశాన్ని బట్టి అధిక నెలసరి రక్తస్రావం, తీవ్రమైన నొప్పులు, కటి ప్రాంతంలో అసౌకర్యం, మూత్ర సంబంధిత సమస్యలు, కొన్ని సందర్భాల్లో సంతానోత్పత్తికి సంబంధించిన ఇబ్బందులు కలిగించవచ్చు. ఇలాంటి సంక్లిష్ట ఫైబ్రాయిడ్స్ను గర్భాశయాన్ని కాపాడుతూ చికిత్స చేయడంలో అధునాతన మినిమల్లీ ఇన్వేసివ్ శస్త్రచికిత్స విధానాలు కీలక పాత్ర పోషిస్తున్నాయన్నారు.
ఫైబ్రాయిడ్స్ గర్భాశయ కండరాల పొరలో ఏర్పడతాయి. హార్మోన్ల ప్రభావం, జన్యుపరమైన కారణాలు, కుటుంబ చరిత్ర వంటి అంశాలు వాటి పెరుగుదలపై ప్రభావం చూపుతాయి. కొంతమంది మహిళల్లో ఎలాంటి లక్షణాలు కనిపించకపోవడంతో సాధారణ అల్ట్రాసౌండ్ పరీక్షల్లో వీటిని గుర్తిస్తారు. మరికొందరిలో అధిక నెలసరి రక్తస్రావం, కడుపులో భారంగా ఉండటం, తరచూ మూత్ర విసర్జన, మలబద్ధకం, గర్భధారణ సమయంలో సమస్యలు వంటి లక్షణాలు కనిపించవచ్చు.గర్భాశయ ఫైబ్రాయిడ్స్ చికిత్సలో ప్రతి మహిళకు ఆమె ఆరోగ్య పరిస్థితి, లక్షణాలు, భవిష్యత్తులో గర్భం దాల్చాలనే ఆలోచనలను బట్టి వ్యక్తిగత చికిత్స విధానం అవసరం. ఫైబ్రాయిడ్స్ను తొలగించడం మాత్రమే కాకుండా, లక్షణాలను తగ్గించడం, గర్భాశయాన్ని కాపాడటం, భవిష్యత్తులో ఆరోగ్యకరమైన గర్భధారణకు అవసరమైన గర్భాశయ నిర్మాణ బలాన్ని పరిరక్షించడం మా ప్రధాన లక్ష్యం అన్నారు. లాపరోస్కోపిక్, రోబోటిక్ సర్జరీలో వచ్చిన ఆధునిక పురోగతితో సంక్లిష్టమైన ఫైబ్రాయిడ్స్ను కూడా మరింత ఖచ్చితత్వంతో తొలగిస్తూ, చుట్టుపక్కల కణజాలాలకు తక్కువ నష్టం కలిగించి, గర్భాశయ కండరాల పొరను సమర్థవంతంగా పునర్నిర్మించగలుగుతున్నాం,” అని తెలిపారు.
మెడికవర్ ఉమెన్ & చైల్డ్ హాస్పిటల్స్లో పెద్ద ఫైబ్రాయిడ్స్, అనేక ఫైబ్రాయిడ్స్తో పాటు గర్భాశయ ముఖద్వారం (సర్విక్స్), బ్రాడ్ లిగమెంట్ వంటి సంక్లిష్ట ప్రదేశాల్లో ఏర్పడిన ఫైబ్రాయిడ్స్కు కూడా చికిత్స అందిస్తున్నారు. ఇలాంటి కేసుల్లో శస్త్రచికిత్సకు ముందు సమగ్ర ఇమేజింగ్ పరీక్షలు, జాగ్రత్తగా సర్జికల్ ప్లానింగ్, ఫైబ్రాయిడ్స్ తొలగింపు సమయంలో ఖచ్చితత్వం, గర్భాశయ కండరాల పొరను తిరిగి పటిష్టంగా పునర్నిర్మించడం ఎంతో కీలకం.భవిష్యత్తులో పిల్లలను కనాలని కోరుకునే మహిళలకు గర్భాశయాన్ని తొలగించకుండా ఫైబ్రాయిడ్స్ను తొలగించే మయోమెక్టమీ ఒక ముఖ్యమైన చికిత్సా విధానం. లాపరోస్కోపిక్, రోబోటిక్ ఆధారిత శస్త్రచికిత్సలు తక్కువ కోతలతో చికిత్స అందించే విధానాలు. రోబోటిక్ సర్జరీలో త్రిమితీయ మాగ్నిఫైడ్ విజన్, పరికరాల సౌలభ్యం, కణజాలాల తొలగింపు మరియు కుట్లు వేయడంలో ఖచ్చితత్వం, క్లిష్టమైన శరీర నిర్మాణ ప్రాంతాలకు మెరుగైన చేరువ వంటి ప్రయోజనాలు ఉంటాయి.డాక్టర్ గౌరీ శంకర్, సీనియర్ కన్సల్టెంట్ అనస్థీషియాలజీ, మెడికవర్ ఉమెన్ & చైల్డ్ హాస్పిటల్స్ మాట్లాడుతూ, “పెద్ద లేదా అనేక గర్భాశయ ఫైబ్రాయిడ్స్కు సంబంధించిన శస్త్రచికిత్సల్లో అనస్థీషియా నిర్వహణకు ముందస్తు ప్రణాళిక ఎంతో అవసరం. ఇలాంటి శస్త్రచికిత్సలు ఎక్కువ సమయం పట్టే అవకాశం ఉండటంతో పాటు రక్తస్రావం ప్రమాదం కూడా ఉండవచ్చు. అధునాతన మానిటరింగ్, రోగి పరిస్థితికి అనుగుణంగా అనస్థీషియా నిర్వహణ, సర్జికల్ బృందంతో సమన్వయం రోగి భద్రతను కాపాడటంలో కీలకం. శస్త్రచికిత్స సమయంలో శరీరంలోని కీలక వ్యవస్థలు స్థిరంగా ఉండేలా చూడటం, నొప్పిని సమర్థవంతంగా నియంత్రించడం, సౌకర్యవంతమైన కోలుకునే ప్రక్రియను అందించడం మా ప్రధాన లక్ష్యం. తద్వారా మహిళలు అధునాతన మినిమల్లీ ఇన్వేసివ్ శస్త్రచికిత్స విధానాల ప్రయోజనాలను పొందగలుగుతారు,” అని తెలిపారు.ఈ కార్యక్రమంలో డా. కవిత,మెడికల్ సూపరింటెండెంట్ డా. స్వాతి పాల్గొన్నారు.


