ఎల్బీనగర్:
జెప్టో డెలివరీ బాయ్గా పనిచేస్తున్న ఓ యువకుడు పని నిమిత్తం ఇంటి నుంచి బయటకు వెళ్లి తిరిగి రాకపోవడంతో కుటుంబ సభ్యులు ఆందోళనకు గురయ్యారు. నాగోలులోని కో-ఆపరేటివ్ బ్యాంక్ కాలనీకి చెందిన సైదు భాగ్యరాజు (34) జెప్టో డెలివరీ బాయ్గా పనిచేస్తున్నాడు.ఈ నెల 4న జెప్టో డెలివరీ పని ఉందని చెప్పి ఇంటి నుంచి బయటకు వెళ్లిన భాగ్యరాజు తిరిగి ఇంటికి రాలేదు. కుటుంబ సభ్యులు అతడి కోసం బంధువులు, స్నేహితులు, పరిచయస్తుల వద్ద ఆరా తీసినప్పటికీ ఆచూకీ లభించలేదు. దీంతో ఆందోళనకు గురైన అతడి భార్య రేవతి నాగోలు పోలీసులను ఆశ్రయించి ఫిర్యాదు చేసింది.రేవతి ఫిర్యాదు మేరకు నాగోలు పోలీసులు అదృశ్యం కేసు నమోదు చేసి దర్యాప్తు ప్రారంభించారు. భాగ్యరాజు ఎక్కడికి వెళ్లాడు, చివరిసారిగా ఎవరిని కలిశాడు, ఎవరితోనైనా ఫోన్లో మాట్లాడాడా అనే కోణాల్లో పోలీసులు వివరాలు సేకరిస్తున్నారు. అతడి ఫోన్ కాల్ వివరాలు, ఇతర ఆధారాలను పరిశీలిస్తూ ఆచూకీ కోసం గాలింపు చేపట్టినట్లు నాగోలు సీఐ మహమ్మద్ మక్బూల్ జానీ తెలిపారు. భాగ్యరాజు ఆచూకీ లభిస్తే వెంటనే కుటుంబ సభ్యులకు సమాచారం అందిస్తామని పోలీసులు పేర్కొన్నారు.
