మధుయాష్కీ గౌడ్ ఘన సత్కారం.. మహిళా రక్షణకు కాంగ్రెస్ ప్రభుత్వం పెద్దపీట
హైదరాబాద్:
తెలంగాణ రాష్ట్ర మహిళా కమిషన్ నూతన చైర్ పర్సన్గా శ్రీమతి నేరెళ్ల శారద గురువారం బుద్ధ భవన్లోని కార్యాలయంలో అధికారికంగా పదవీ బాధ్యతలు స్వీకరించారు. ఈ కీలక బాధ్యతల స్వీకరణ కార్యక్రమంలో ఆల్ ఇండియా ప్రొఫెసర్స్ కాంగ్రెస్ చైర్ పర్సన్, మాజీ పార్లమెంట్ సభ్యులు మధుయాష్కీ గౌడ్ ముఖ్య అతిథిగా విచ్చేసి ఆమెకు సాదర అభినందనలు తెలిపారు.
ఈ సందర్భంగా మధుయాష్కీ గౌడ్ నేరెళ్ల శారదను ఘనంగా శాలువాతో సత్కరించి, శుభాకాంక్షలు తెలియజేశారు. సమాజంలో మహిళలపై జరుగుతున్న అన్యాయాలను అరికట్టడంలో, వారి హక్కుల పరిరక్షణలో మహిళా కమిషన్ పాత్ర అత్యంత కీలకమని ఈ సందర్భంగా ఆయన ఆకాంక్షించారు.
*మహిళా సాధికారతకు కాంగ్రెస్ కట్టుబడి ఉంది: మధుయాష్కీ గౌడ్
ఈ కార్యక్రమంలో భాగంగా మధుయాష్కీ గౌడ్ మాట్లాడుతూ, కాంగ్రెస్ ప్రభుత్వం అధికారంలోకి వచ్చిన నాటి నుండి మహిళల సంక్షేమం, రక్షణ మరియు వారి సర్వతోముఖాభివృద్ధే ధ్యేయంగా ముందుకు సాగుతోందని స్పష్టం చేశారు. నేరెళ్ల శారద సుదీర్ఘ రాజకీయ, సామాజిక నేపథ్యం కలిగి ఉన్నారని, ఆమె నేతృత్వంలో మహిళా కమిషన్ మరింత చురుగ్గా పని చేసి బాధితులకు తక్షణ న్యాయం చేకూరుస్తుందని ఆయన విశ్వాసం వ్యక్తం చేశారు.
*బాధ్యతాయుతంగా ముందుకు సాగుతాం: నేరెళ్ల శారద
పదవీ బాధ్యతలు స్వీకరించిన అనంతరం నూతన చైర్ పర్సన్ శ్రీమతి నేరెళ్ల శారద మాట్లాడుతూ, తనపై ఉంచిన నమ్మకానికి కృతజ్ఞతలు తెలిపారు. రాష్ట్రంలోని మహిళల సమస్యల పరిష్కారానికి, వారి భద్రతకు అత్యంత ప్రాధాన్యత ఇస్తామని హామీనిచ్చారు.
ఈ కార్యక్రమంలో పలువురు ప్రజాప్రతినిధులు, ప్రముఖ నాయకులు, మహిళా సంఘాల ప్రతినిధులు పాల్గొని నూతన చైర్ పర్సన్కు శుభాకాంక్షలు తెలిపారు.
