అర్హులందరికీ ఓటు హక్కు కల్పించడమే లక్ష్యం: బీజేపీ డివిజన్ అధ్యక్షులు ఎర్ర వినోద్ రెడ్డి.
ఎల్.బి.నగర్:
సమగ్ర ఓటరు జాబితా సవరణ (SIR) రెండవ విడత కార్యక్రమంలో భాగంగా జీఎస్ఐ డివిజన్ పరిధిలోని పలు పోలింగ్ కేంద్రాల్లో బూత్ స్థాయి అధికారుల (BLO) పనితీరును భారతీయ జనతా పార్టీ జీఎస్ఐ డివిజన్ అధ్యక్షులు ఎర్ర వినోద్ రెడ్డి క్షుణ్ణంగా పర్యవేక్షించారు. ఈ పర్యటనలో భాగంగా డివిజన్లోని వివిధ పోలింగ్ స్టేషన్లను సందర్శించి, క్షేత్రస్థాయిలో జరుగుతున్న అధికారుల విధులను సమీక్షించారు.
ఈ సందర్భంగా బూత్ స్థాయి అధికారుల వద్దకు చేరిన ఎస్ఐఆర్ నోటీసుల వివరాలను పరిశీలించారు. సంబంధిత నోటీసులను ఎలాంటి జాప్యం లేకుండా అర్హులైన ఓటర్ల ఇళ్లకు నేరుగా వెళ్లి అందజేయాలని అధికారులను ఆదేశించారు. ఓటర్లకు ఈ నోటీసుల ప్రాముఖ్యతను వివరించి, అవసరమైన పత్రాలు మరియు వివరాలను సేకరించి, ప్రతి అర్హులైన పౌరుడు తమ ఓటరు నమోదు ప్రక్రియను సక్రమంగా పూర్తి చేసుకునేలా తగిన మార్గదర్శకత్వం అందించాలని సూచించారు.
ఇంటింటి పర్యటనలో భాగంగా ఓటర్లకు ఎస్ఐఆర్ ప్రక్రియపై సంపూర్ణ అవగాహన కల్పించాలని, అవసరమైన ధృవీకరణ పత్రాలను సమకూర్చుకోవడంలో సహాయపడాలని, ఓటరు జాబితాలో తమ పేర్లు మరియు ఇతర వివరాలను సరిచూసుకోవడం వంటి ముఖ్యాంశాలపై ప్రజలకు స్పష్టతనివ్వాలని పేర్కొన్నారు.
ప్రజాస్వామ్యంలో ఓటు హక్కు అత్యంత కీలకం:
“అర్హత కలిగిన ప్రతి ఒక్కరి పేరు ఓటరు జాబితాలో ఉండాలి. ప్రజాస్వామ్య వ్యవస్థలో ఓటు హక్కు అత్యంత పవిత్రమైనది, బలమైన ఆయుధం” అని ఎర్ర వినోద్ రెడ్డి స్పష్టం చేశారు. ఎస్ఐఆర్ ప్రక్రియ విజయవంతంగా ముగిసేందుకు బూత్ స్థాయి అధికారులకు ప్రజలందరూ సంపూర్ణ సహకారం అందించి, కోరిన సమాచారాన్ని సకాలంలో సమకూర్చాలని విజ్ఞప్తి చేశారు.
ఈ పర్యవేక్షణా కార్యక్రమంలో భారతీయ జనతా పార్టీ జీఎస్ఐ డివిజన్ కార్యదర్శి గోపాల్ శర్మ, రంగారెడ్డి జిల్లా కౌన్సిల్ సభ్యులు సంజీవరెడ్డి, నాయకులు రాజు గౌడ్ తదితరులు పాల్గొన్నారు.
