ఎల్.బి. నగర్:
సమరయోధుల త్యాగాల స్ఫూర్తితో, భారతీయ జనతా పార్టీ జి.ఎస్.ఐ. డివిజన్ ఆధ్వర్యంలో తెలంగాణ విమోచన దినోత్సవ వేడుకలు అత్యంత ఘనంగా నిర్వహించారు. ఈ వేడుకల్లో భాగంగా ఎల్.బి. నగర్ అసెంబ్లీ నియోజకవర్గం పరిధిలోని అరునోదయ కాలనీ (బి.జె.పి. పార్టీ కార్యాలయం వద్ద) మరియు నాగోల్ చౌరస్తాలో జాతీయ పతాకాన్ని సమున్నతంగా ఆవిష్కరించారు. ఈ కార్యక్రమానికి స్థానిక నాయకులు, కార్యకర్తలు పెద్ద సంఖ్యలో హాజరై జాతీయ జెండాకు ఘనంగా వందనం సమర్పించారు.
*ప్రత్యేక అతిథుల హాజరు
ఈ జాతీయ పతాకావిష్కరణ మహోత్సవంలో బి.జె.పి. జి.ఎస్.ఐ. డివిజన్ ముఖ్య నాయకులు ఎర్ర వినోద్ రెడ్డి ప్రత్యేక ఆకర్షణగా నిలిచారు. వారి ఆధ్వర్యంలో మరియు సమక్షంలో ఈ కార్యక్రమం విజయవంతంగా కొనసాగింది. ఈ వేడుకల్లో మాజీ కార్పొరేటర్ చింతల అరుణా సురేందర్ యాదవ్, సిద్దాల ఐలయ్య, పాల్వాయి సంజీవ రెడ్డి, నరేందర్ రెడ్డి, గోపాల్ శర్మ, బాలకృష్ణ, శ్రీకాంత్, సూర్వి రాజు గౌడ్, యాదగిరి, మునిందర్, మల్లేష్ యాదవ్, శ్యామల నూకల పద్మారెడ్డి, మోహన్ రెడ్డి, విజయ్ శంకర్, దయాకర్ రెడ్డి, నవీన్ రెడ్డి తదితరులు పాల్గొని జాతీయ జెండాకు గౌరవం అర్పించారు.
*జాతీయ భావనను చాటిన వేడుకలు
ఈ సందర్భంగా నాయకులు మాట్లాడుతూ, తెలంగాణ విమోచన దినోత్సవ ప్రాముఖ్యతను, స్వాతంత్ర్య సమరయోధుల పోరాట పటిమను స్మరించుకున్నారు. దేశభక్తి భావాలను పెంపొందించేలా జరిగిన ఈ కార్యక్రమంలో పాల్గొన్న అందరూ తెలంగాణ ప్రగతికి, సమైక్యతకు పాటుపడాలని పిలుపునిచ్చారు. మిఠాయిల పంపిణీతో కార్యక్రమం ఆనందోత్సాహాల మధ్య ముగిసింది.
