అర్హత కలిగిన ప్రతి ఒక్క గ్రాడ్యుయేట్ 06-11-2026లోపు తప్పనిసరిగా ఫారం -18 ద్వారా తమ పేరును నమోదు చేసుకోవాలని తెలియచేసిన గౌరవ PAC చైర్మన్ శ్రీ ఆరేకపూడి గాంధీ గారు
శేరిలింగంపల్లి : రాబోయే గ్రాడ్యుయేట్ ఎమ్మెల్సీ ఎన్నికల నేపథ్యంలో అర్హత కలిగిన గ్రాడ్యుయేట్లు తప్పనిసరిగా తమ ఓటును నమోదు చేసుకోవాలని PAC చైర్మన్ గాంధీ పిలుపునిచ్చారు.
ఎన్‌రోల్‌మెంట్ ఫారం–18ను స్వయంగా నింపి గ్రాడ్యుయేట్ ఓటరుగా నమోదు చేసుకున్నారు.
ఈ సందర్భంగా పి ఏ సి చైర్మన్ ఎమ్మెల్యే గాంధీ మాట్లాడుతూ, హైదరాబాద్–రంగారెడ్డి–మహబూబ్‌నగర్ గ్రాడ్యుయేట్ నియోజకవర్గానికి సంబంధించిన రాబోయే ఎమ్మెల్సీ ఎన్నికల్లో ఓటు హక్కు వినియోగించుకోవాలనుకునే అర్హత కలిగిన ప్రతి ఒక్క గ్రాడ్యుయేట్ 06-11-2026లోపు తప్పనిసరిగా Form-18 ద్వారా తమ పేరును నమోదు చేసుకోవాలని పి ఏ సి చైర్మన్ గాంధీ సూచించారు.
గ్రాడ్యుయేట్ ఎమ్మెల్సీ ఎన్నికల ఓటర్ల జాబితా ప్రతి ఎన్నికకు ముందు కొత్తగా (De-novo) రూపొందించబడుతుందని, గతంలో గ్రాడ్యుయేట్ ఓటరుగా నమోదై ఉన్నవారు సైతం ప్రస్తుత ఎన్నిక కోసం తాజాగా ఫారం -18 సమర్పించాల్సి ఉంటుందని పి ఏ సి చైర్మన్ గాంధీ తెలిపారు.
అలాగే, సాధారణ అసెంబ్లీ ఓటరు జాబితాలో పేరు ఉండటం మాత్రమే గ్రాడ్యుయేట్ ఎమ్మెల్సీ ఎన్నికల్లో ఓటు హక్కుకు సరిపోదని, గ్రాడ్యుయేట్ ఎమ్మెల్సీ ఓటు కోసం ప్రత్యేకంగా ఫారం -18 ద్వారా నమోదు చేసుకోవాల్సి ఉంటుందని పి ఏ సి చైర్మన్ గాంధీ స్పష్టం చేశారు.
అర్హత కలిగిన గ్రాడ్యుయేట్లు తమ అసెంబ్లీ EPIC/ఓటరు వివరాలను ఫారం -18లో నమోదు చేసుకోవచ్చని, గ్రాడ్యుయేట్ ఎమ్మెల్సీ ఓటు కోసం ప్రత్యేకంగా మరో EPIC నంబర్ అవసరం లేదని PAC చైర్మన్ గాంధీ తెలిపారు.
